| अहिल्यानगर जिल्ह्यामध्ये एकूण १३११ ग्रामपंचायती आहेत. त्यापैकी १९४ ग्रुप ग्रामपंचायती आहेत. तसेच स्वतंत्र १११५ ग्रामपंचायती आहेत. | |
| ग्रामपंचायत विभागाचे विभाग प्रमुख म्हणून जिल्हा परिषदेचे उपमुख्य कार्यकारी अधिकारी (ग्रामपंचायत) हे कामकाज पहातात. | |
| ग्रामपंचायत पातळीवरील पाणीपट्टी, घरपट्टी वसूली क्षेत्रीय पातळीवरील कर्मचाऱ्यांकडून केली जाते. ग्रामपंचायत ही स्वतंत्र स्थानिक स्वराज्य संस्था असून त्याचे पर्यवेक्षण व संनियंत्रण ग्रामपंचायत विभागामार्फत केले जाते. ग्रामपंचायतींना मुलभूत सुविधा पुरविण्यासाठी व उत्पन्न वाढीसाठी जिल्हा ग्राम विकास निधीमधून कर्ज दिले जाते. केंद्रशासन / राज्य शासन / जिल्हा परिषद सेस या निधीतून मंजूर कामे / योजना शासनाच्या मार्गदर्शक सूचनांनुसार ग्रामपातळीवर राबविल्या जातात. | |
| ग्रामसेवक, ग्राम विकास अधिकारी, विस्तार अधिकारी यांचे आस्थापनाविषयक सर्व बाबी, नियुक्त्या, पदोन्नत्या, बदल्या, पुरस्कार, वेतनवाढी, आदर्श ग्रामसेवक सत्कार, शिस्तभंगविषयक कार्यवाही इ. प्रशासकीय कामे या विभागामार्फत केले जातात. | |
| १२ वा वित्त आयोग, यशवंत ग्राम समृद्धी योजना, तिर्थक्षेत्र विकास योजना, मंजूर कामांना पंयात समितीमार्फत ग्रामपंचायतींना अनुदान वाटप केले जाते.. | |
| निर्मल ग्राम पुरस्कार योजना- सन २००२-०३ पासून जिल्ह्यामध्ये संपूर्ण स्वच्छता अभियान राबविण्यात येत आहे. या अंतर्गत ग्रामपंचायत कार्यक्षेत्रातील सर्व कुटूंबांनी शौचालयाचा वापर करणे, घन कचरा व सांडपाणी व्यवस्थापन करणे, परिसर स्वच्छता शाळा व अंगणवाडीमध्ये स्वच्छतागृहांची सुविधा निर्माण करणे आदी बाबींचा समावेश होतो. | |
| उपरोक्त बाबींचा काटेकोर अंमलबजावणी करणाऱ्या ग्रामपंचायतींना केंद्र शासनाकडून निर्मल ग्राम पुरस्कार प्रदान करण्यात येतो. आज अखेर जिल्ह्यातील १२४ ग्रामपंचायतींना निर्मला ग्राम पुरस्कार प्राप्त झाला. |
